Непоразениот светски шампион Александар Усик реагираше на инцидентот кога Џон Фјури пред некој ден удри со глава на член на украинскиот боксер.
Усик генерално изгледа многу мирно, што го докажа по втората победа против Ентони Џошуа во 2022 година кога го гледаше Британецот како ги фрла појасите на ВБА, ВБО и ИБФ околу рингот, а потоа застана во рингот додека Еј Џеј зборуваше на микрофонот.
Украинецот едвај реагираше на постапките на Џошуа, а кога требаше да го коментира настанот ги избра зборовите.
Светскиот шампион викендов се враќа во рингот, а противник во мечот за апсолутен шампион на светот во тешка категорија ќе му биде Тајсон Фјури.
Екипите на тие боксери веќе се во Саудиска Арабија, а нивната прва блиска средба не можеше да помине без инцидент.
Таткото на Тајсон, Џон Фјури, ја разбранува толпата кога со глава го удри членот на тимот на Усик, Станислав Степчук, оставајќи му го раскрварено челото.
Украинецот се осврна на тој инцидент.
„Тоа е лошо однесување. Тој е голем човек и татко. Не е уличен борец. Пријателе, тој може да ти биде син. Неговото однесување не беше правилно“, изјави Александар Усик, додавајќи дека сака што повеќе да се посвети на мечот:
„Ни претстои луда недела. Не сакам да се замарам со тоа, бидејќи сакам да се фокусирам на борбата. Лошото однесување на тимот на Фјури и таткото на Тајсон е нивни сопствен проблем. Мислам дека Тајсон има биполарно растројство. Една недела вели дека сум зајак, лош дечко и полутешкаш, а следната недела ме пофали и вели дека сум добар боксер. Затоа и не размислувам за тоа“.
А неговата прогноза за мечот.
„Ништо не предвидувам, бидејќи не сум стручњак, јас сум само спортист. Моето предвидување… убава борба… убава победа. Александар Мачор Усик – апсолутен светски шампион во тешка категорија“, изјави Украинецот.
