Спортската комисија на Калифорнија ги објави пријавените заработувачки за Белатор 214 кој ќе се одржи вечерва спрема недела во Лос Анџелес.
Главната борба на вечерта е финалето за Големата награда и титулата во тешка категорија меѓу Федор Емелијаненко и Рајан Бадер.
Русинот ќе заработи 300.000 долари без бонус за победа. Бадер ќе заработи 150.000, и тој во случај на победа нема да добие бонус.
Арон Пико ќе добие 45.000 долари (уште толку за победа) за борбата со Хенри Коралес (35.000 + 35.000 долари).
ВВЕ ѕвездата Џејк Хагер (Џејк Свагер) за дебито против Џ.В. Кисера (7.000 + 7.000 долари) ќе заработи 50.000 долари.
Овие бројки не ги претставуваат вкупните приходи на борците, како што се приходите од спонзорите или дополнителните бонуси кои не се јавно објавени.
