Обезбедувач во дискотека му го спаси животот на Дарен Тил откако борецот на УФЦ беше избоден двапати во ребрата во ноќен клуб во Ливерпул. Обезбедувачот ги ставил пристите во раната за да го врати Тил во свест.
Поранешниот предизвикувач за титулата на УФЦ зборува за влегувањето во спортот во доцните тинејџерски години, признавајќи дека бил на двете страни на законот пред да стане познат спортист.
30-годишниот борец, кој беше во победничка серија од 18 борби пред неодамнешниот пораз, објасни како чуварот знаел што да прави откако бил прободен двапати во ребрата до главната артерија кога имал 19 години.
„Пред неколку години, кога тренирав во мојата теретана во Ливерпул, едвај врзав крај со крај и бев малку на двете страни на законот.
Тоа не беше добра позиција во животот, но бев голем борец и мојот тренер го знаеше тоа. Влегов во ситуација во ноќен клуб каде што дојде до тепачка и двапати ме избодеа во ребрата.
Мислам дека сечилото беше неколку сантиметри од главната артерија и ако го погодеше ќе умрев брзо од загубената крв.
Накратко, се сеќавам дека седев надвор од клубот и видов светло. Не верувам многу во Бог, но во тој момент се сеќавам дека помислив дека мора да дојде моето време.
Но, еден чувар од клубот му ги заби прстите во раната и ме врати. Тоа беше брутален момент, но долгорочно ми го промени животот на подобро“.
Погледнете ја оваа објава на Инстаграм.
View this post on Instagram
Тел ја загуби борбата за титулата во полусредна категорија на УФЦ од Тајрон Вудли во 2018 година, а потоа загуби пет од неговите следни шест борби откако се врати во средна категорија.
Во декември Тил беше поразен од Дрикус ду Плесис на УФЦ 282, и покрај ветувачките моменти во борбата во Лас Вегас. Сега тој прави промени пред повторно да се врати во октагонот.
„Треба да работам на факторот агресија. Многу сум агресивен во теретана. Кога влегов во борба со Ду Плесис многу го притискав во втората рунда и видов дека е исплашен.
Морав веднаш да го завршам со моќта што ја имам. Но, поради некоја причина не можев да го повлечам чкрапалото и да го завршам. Така, во мојот ум има некои работи што треба малку да ги прилагодам“.
