Могамедгаџи Нуров го освои петото место на Европското првенство во борење за сениори во слободен стил во Букурешт, Романија, откако во борбата за бронзениот медал загуби од Нурмагомед Гаџиев (Азербејџан) 0-5.
Нашиот борач беше немоќен против Гаџиев кој прво поведе со 1-0, 3-0, 4-0 и на крајот со 5-0. Нуров повторно остана без медал од големите натпреварувања.
Да потсетиме дека пред еден час Владимир Егоров (-57 кг) го совлада Андреј Дуков од Романија за бронзениот медал во една возбудилива борба која заврши 7-4. Па така, по пауза од цели 12 години, Македонија освои медал на Европско првенство , последен пат во 2007 година се радувавме на еден континентален медал, кога Мурат Рамазанов (-60 кг) го освои бронзениот медал на ЕП во Софија, Бугарија.
Резултати
-97 кг
Могамедгаџи Нуров – Симоне Ијанатони (Италија) 11-0 (ТТ)
Могамедгаџи Нуров – Мураз Мчедлизе (Украина) 5-4
Полуфинале
Могамедгаџи Нуров – Абдулрашид Садулаев (Русија) 0-12 (ТТ)
За бронза
Могамедгаџи Нуров – Нурмагомед Гаџиев (Азербејџан) 0-5
-57 кг
Владимир Егоров – Муслим Садулаев (Русија) 2-5
Репасаж
Владимир Егоров – Леван Вртанов (Шпанија) туш 3-3
За бронза
Владимир Егоров – Андреј Дуков (Романија) 7-4
-61 кг
Елмедин Сејфулаху – Бека Ломтаѕе (Грузија) 0-10 (ТТ)
Ipon.mk
