Николај Валуев откри кој борец најмногу го тепал: Ми скрши ребро

Поранешниот двократен светски шампион во тешка категорија, Николај Валуев, еднаш откри кој е најсилниот борец со кого некогаш го делел рингот.

Рускиот боксер со мнозинска одлука ја освои титулата во ВБА во декември 2005 година на настан во Германија.

Во Макс-Шмелинг-Хале во Берлин, тој стана највисокиот и најтешкиот светски шампион на сите времиња, висок 2,1 метри и тежок 151 килограм.

Валуев ја бранеше титулата неколку пати пред да биде симнат од тронот година и пол подоцна од неговиот сонародник Руслан Чагаев. Тоа беше неговиот прв пораз во кариерата.

Во август 2008 година повторно го победи Американецот Руиз во меч за испразнетата титула во ВБА, на истото место во Берлин каде што ја освои првата светска титула.

Титулата ја загуби во ноември 2009 година со мнозинска одлука од Дејвид Хеј. Тоа беше втор пораз на рускиот гигант и последна борба во неговата кариера, која ја заврши со 50 победи.

А Валуев еднаш призна кој боксер најмногу го претепал, тоа беше светскиот шампион Ивандер Холифилд во претпоследната борба во неговата кариера во 2008 година.

„Дуелот против Холифилд беше еден од најтешките натпревари во мојата кариера. Постојано ме удираше во телото и ми скрши едно ребро“, рече Николај Валуев и продолжи:

„Не можев правилно да дишам еден месец. Беше многу необично, ме удираше од блиску и постојано удираше на истото место. Тешко ми беше да се одбранам од тоа“…