Френсис Нгану откри колку ќе заработи во борбата за титулата во тешка категорија викендов во Бостон против Стипе Миочиќ.
За неговата седма борба во УФЦ, француско-камерунскиот борец ќе добие 500.000 долари.
Пред да се пресели во Франција Нагну работел како ѕидар.
Во ММА дебитираше во 2013 година, а сите негови шест борби во УФЦ ги заврши со прекин.
Иако е предизвикувач, обложувалниците му даваат блага предност на Нгану во однос на Миочиќ.
Нгану го објави износот гостувајќи во ток-шоу.
„Мора да сфатите дека мојот пробив беше многу брз, но бројките не го следеа тоа“.
За борбата со Андреј Арловски, Нгану доби 38.000 за настап и толку за победа. Благодарение на неговата изведба, доби бонус од 50.000 долари.
Се претпоставува дека за борбата со Алистер Оверем добил 40.000 за настап и исто толку за победата, но му е ветена и дополнителна исплата.
Миочиќ за освојување на титулата против Фабрицио Вердум заработи вкупно 210.000 долари (65.000 за настап, 65.000 за победа, бонус 50.000 и 30.000 од Рибок).
За последната одбрана на титулата против Жуниор дош Сантос доби 690.000 долари.
