Синоќа, Џон Џонс се најде во аголот на Морис Грин, борец кој рутински беше елиминиран со одлука на судиите од Хрватот Анте Делија. Без разлика на победата, тој не се пласира во продолжението од натпреварувањето на ПФЛ, бидејќи ова му беше единствен настап на овогодинешното издание на турнирот, па единствено му одговараше победа со прекин во првата рунда.
Тоа би значело дека Френсис Нгану и Џон Џонс вечерва биле на истото место. Со заминувањето на Нгану од УФЦ, шансите за оваа борба се сведени на нула, но тоа не ги спречи борците да продолжат да „војуваат“ на социјалните мрежи и да се натпреваруваат кој е најдобриот тешкаш и најлошиот човек на светот.
За очекување беше борците да се сретнат лице в лице и токму тоа се случи. За време на емитувањето, режисерот поради некоја причина одлучил да вметне реклами во текот на целиот настан и покрај протестите на коментаторите и барањата да го пушти тоа во преносот. За среќа, на Јутјуб се појави видео снимка од целата средба и може да се каже дека се одвивала во пријателски тон.
„Не го сакате тој чад“, му рекол Нгану на Џонс, мислејќи на претходните изјави дека ја избегнал борбата и влегол во тешка категорија дури откако Френсис официјално го напушти УФЦ. Остатокот од средбата беше доста пријателска и борците разговараа и се смееја.
