Френсис Нагану (10-1, 5-0 УФЦ) на местото каде што е одржан првиот УФЦ дојде до најголемата победа во неговата кариера.
30-годишниот „Предатор“ во Денвер со нокаут во првата рунда го победи поранешниот шампион во тешка категорија Андреј Арловски (25-14, 14-8 УФЦ). По првичното испитување на силите, Французинот контрираше со десно кроше и го собори Белорусинот и го заврши со неколку удари на партерот по минута ипол од борбата. На Питбул ова му е четврт последователен пораз. Три пати со нокаут, а еднаш загуби со сабмишн.
https://youtu.be/CajnXLjAwRc
Хорхе Масвидал (32-11, 9-4 УФЦ) ја прекина серијата од четири победи на Доналд Кероне (32-8, 19-5) и стигна до третиот последователен успех. Гејмбред доминираше во борбата, иако за малку ќе го нокаутираше противникот на крајот од првата рунда, со десно кроше во првата минута од втората рунда го уриваше Каубојот. Кероне успеа да се врати на нозе, но по серијата удари на Масдивал во телото до жицата судијата Херб Дин ја прекина борбата.
https://youtu.be/4aKk2z9xjoA
Валентина Шевченко (14-2, 3-1 УФЦ) е нов предизвикувач за титулата во бантам категорија. Поранешната мај тај шампионка на светот во главната борба на УФЦ на Фокс 23 со армбар во втората рунда ја победи Хулијана Пења (8-3, 4-1 УФЦ). Тоа и беше прва победа со сабмишн по речиси 11 години.
https://youtu.be/ChBXdu4puh8
Маркос Рожерио де Лима со нокаут во средината на првата рунда го совлада Џереми Кимбол во неговото деби во УФЦ. Сем Алвеи против поранешниот шампион на Страјкфорс, Нејт Маркард, дојде до четвртата последователна победа, додека Рафаел Асункао по поразот од Т.Ј. Дилшоу се врати со победа против Алџемеин Стерлинг.
https://youtu.be/Tz3j2kr6KWc
На настанот не е доделена награда за борба на вечерта, туку четири борци се наградени со 50.000 долари за изведба на вечерта.
Тоа се Валентина Шевченко, Френсис Хгану, Хорхе Масдивал и Џејсон Најт кој со давење од позади го победи Алекс Касерес.
https://youtu.be/32r0LIJ9sKs
УФЦ на Фокс 23:
Валентина Шевченко – Жулијана Пења (сабмишн, армбар, Р2)
Хорхе Масдивал – Доналд Кероне (ТКО, Р2)
Френсис Нгану – Андреј Арловски (ТКО, Р1)
Џејсон Најт – Алекс Касерес (сабмишн, давење од позади, Р2)
Сем Алвеи – Нејт Маркард (едногласна одлука, 29-28, 29-28, 29-28)
Рафаел Асункао – Алџемеин (поделена одлука на судиите, 29-28, 28-29, 29-28)
Ли Јинглианг – Боби Неш (КО, Р2)
Џордан Џонсон – Луис Енрике да Силва (едногласна одлука, 30-27, 30-27, 30-27)
Ерик Спејсли – Алесио ди Чирико (сабмишн, давење со триаголник, Р1)
Маркос Рожерио де Лима – Џереми Кимбол (ТКО, Р1)
Александар Пантоја – Ерик Шелтон (поделена одлука на судиите, 29-28, 28-29, 29-28)
Џејсон Гонзалес – J.C. Котрел (Д’Арс давење, Р1)
