Лилјана Недановска на Европскиот џудо куп за кадети во Букурешт, Романија, забележа две победи во категоријата до 63 килограми.
Недановска прво ја совлада Ванеса Пингелова од Бугарија со ипон, а потоа и Вилда Баклунд од Шведска, но во чевртфиналето загуби од фаворитката Јулија Кузменко од Украина, која и овозможи репасаж. Сепак, во репасажот Србинката Дуња Садику беше подобра од нашата џудистка.
Недановска во вкупниот пласман е девета.
На ЕК во Букурешт настапија 348 натпреварувачи, 220 мажи и 128 жени, од 25 држави.
Резултати
Лилјана Недановска – Ванеса Пингелова (Бугарија) 1-0
Лилјана Недановска – Вилда Баклунд (Шведска) 1-0
Лилјана Недановска – Јулија Кузменко (Украина) 0-1 ¼ финале
Лилјана Недановска – Дуња Садику (Србија) 0-1 репасаж
