На денешен ден 1960-тата Мухамед Али стана олимписки победник

100

На Олимпијадата во Рим во 1960 година, Мухамед Али сѐ уште беше Касиус Клеј.

И пред да го отфрли своето робовско име 18-годишникот од Луисвил сите што сакаа да го слушаат говореше дека го гледаат идниот светски шампион.

Во Италија не стигна како лидер на американскиот тим, туку како гласен и шармантен тинејџер кои сите многу брзо го запознаа.

Дејвид Маранис во својата книга Рим 1960 година пишува дека Клеј едноставно во тоа време не беше познат и почитуван како декатлонецот Рафер Џонсон, со кого младиот боксер најмногу се зближи, спринтерката Вилма Рудолф или кошаркарите Оскар Робертсон и Џери Вест.

Фрлачот на диск Ринк Бабко вака ја опиша перцепција која се промени во текот на годините: „Кога размислувам за 1960 година и слушам луѓето да зборуваат дека Касиус Клеј беше Г. на Олимписките игри и сите оделе да го гледаат, велам дека тоа се срања“.

Касиус Марцелус Клеј е роден на 17 јануари 1942 година во Луисвил, град во Кентаки со 300.000 жители. Неговиот татко, како и сите машки предци наназад шест генерации робови од плантажите со тутун го носеле истото име.

Приказната за почетокот на боксерската кариера Мухамед Али оди вака. Момчето побара од татко му да купи велосипед, а тој одговори дека немаат пари. Касиус сакаше да знае зошто, а неговиот татко му ја покажа бојата на неговата кожа и рече: „Ете, затоа синко“.

Човекот кој стана Мухамед Али одби да ја прифати таквата судбина и со своите дела го промени светот надвор од рингот отворено спротивставувајќи се и по цена на споствена загуба на војната и расизмот.

Со текот на времето дошол до велосипедот и токму кражбата на најдрагиот предмет го одведе во боксерската сала. Влета во полициската станица и побара да му кажат кој му го украл велосипедот за да може добро да го истепа. Офицерот Џое Мартин бил симпатичен и го советува Касиус да оди во локалната сала и да научи да се бори ако се укаже прилика за одмазда. Таму Мартин го научил да боксира.

Клеј планирал да почне професионална кариера и пред Олимписките игри во Рим, а веќе побарал од Анџело Данди да му биде тренер, но неговиот ментор го советувал поинаку.

„Во боксот олимпискиот шампион вреди како професионалец рангиран на 10.место. Освој го златниот медал во Рим и со тоа ќе отвориш можноста за добра заработувачка веднаш на почетокот. И со тоа ќе станеш познат во целиот свет“, му рекол дека Мартин.

Патот до златото во полутешка категорија го почнува против Белгиецот Ивон Бекос, кого го заспира во втората рунда. Следеа Геннади Шатков од СССР, Австралиецот Ентони Мадиган и во финалето Пољак Збигњев Пиетриковски.

Во октомври истата година станува професионалец и преминува во исламот. На 25 февруари 1964 година во својата 20-та професионална борба со победата над Сони Листон станува ВБА и ВБЦ светски шампион во тешка категорија.

Наскоро станува Мухамед Али, човекот што го менуваше светот.

„Касиус Клеј е моето робовско име, Јас сум Американец. Јас сум оној дел којшто не го признавате.  Ама, навикнете се на мене. Црн, полн со самодоверба, пречест. Моето име –не вашето, мојата религија – не вашата, моите цели – не вашите. Навикнете се на мене“.

Мухамед Али почина на 3 јуни 2016 година.

.