Неодамна, руската легенда во борење, Абдулрашид Садулаев, потпиша договор со Real American Freestyle (RAF/ РАФ), професионална лига за борење во слободен стил со седиште во САД. Тој ќе се натпреварува исклучиво на настани на РАФ и нема да се бори професионално за која било друга лига или организација.
Првиот предизвик за „Рускиот тенк“ не чека долго. Американската ѕвезда во борење, Бо Никал, е подготвен да го сподели душекот со Садулаев. Никал е борец во средна категорија на УФЦ, но се бори под знамето на РАФ. Тој е актуелен шампион во полутешка категорија на лигата.
Никал сподели на социјалните мрежи дека ова е натпревар што сите сакаат да го видат. Тој е подготвен за тоа и сака да се случи. Одговорот одАбдулрашид не се чекаше долго, кој напиша:
„Бо Никал, MMA е добар избор за тебе. Но, борењето во слободен стил е сосема поинаков свет. Ти беше борач, но јас живеам во овој океан. А тука ајкулите ги диктираат правилата. Ако мислиш дека си подготвен, добредојде“!
Широко сметан за еден од најдобрите борачи во слободен стил на сите времиња, Садулаев е двократен олимписки шампион (2016, 2020), шесткратен светски шампион (2014, 2015, 2018, 2019, 2021, 2024) и четирикратен европски шампион (2014, 2018, 2019, 2020).
Никал го освои Светското првенство до 23 години во 2019 година и националното првенство на УС опен, а беше и финалист на олимписките тимски проби на САД во 2020 година. Никал е трикратен национален шампион во Првата дивизија на НЦАА и трикратен шампион во Големата десетка од Државниот универзитет во Пенсилванија.
View this post on Instagram
