Може да има трилогија Усик-Дубоа

Френк Ворен, промоторот на светскиот шампион во тешка категорија на ИБФ, Даниел Дубоа (22-2, 21 КО), во интервју за „Чемпион“ призна дека има голема симпатија кон противникот на својот штитеник, Украинецот Александар Усик (23-0, 14 КО), и не ја исклучува можноста ова соперништво да се развие во трилогија.

Потсетуваме дека во август 2023 година Усик го победи Дубоа во 9-тата рунда, а реваншот за апсолутната шампионска титула е закажан за 19 јули во Лондон.

„Тој (Усик) е прекрасна личност“, забележа Ворен. „Прекрасен амбасадор на боксот, спортот и најважно од сè, Украина. Александар е фантастична личност. Многу го почитувам. Секако, сакам Даниел да победи, но го сакам Усик. Има одлично чувство за хумор и добар тим“.

Френк нема одговор на прашањето колку долго Александар ќе остане во боксот: „Не знам. Тој сè уште има многу да даде. Овој Украинец си го сака бизнисот – тој е борец до срж. Ќе остане колку што сака. Но, како што реков, на 19 јули веројатно ќе видиме генерациски смени. Ќе биде тешка борба за двајцата, но верувам дека Даниел може да победи. А ако не, Усик сè уште ќе биде сопственик на четири појаси и најверојатно ќе има уште еден реванш“.