Мозес Итаума ја предводи и ранг-листата на ВБА во тешка категорија.

20-годишниот британски талент Мозес Итаума го продолжува подемот во професионалниот бокс. Откако веќе се искачи на врвот на ранг-листата на ВБО во тешка категорија, младиот боксер се искачи и на првото место на ранг-листата на ВБА.

Досега, лидер на ранг-листата на ВБА беше Мајкл Хантер, но тој има закажана борба со редовниот шампион Кубрат Пулев на 4 октомври. Затоа ВБА презеде ажурирање на ранг-листата и го стави Итаума на врвот.

Овие промени би можеле да го доближат британскиот феномен до можен судир со апсолутниот светски шампион Александар Усик. Според правилата, Усик мора да направи задолжителна одбрана против привремениот шампион на ВБО Џозеф Паркер. Сепак, во исто време Паркер планира меч со привремениот шампион на ВБА, Фабио Вордли.