Рускиот натпреварувач во мешани боречки вештини Владимир Минеев кажа што би направил доколку на фронтот го сретне украинскиот боксер Александар Усик. На крајот на минатата година Минеев откри дека ја прекинува кариерата во спортот.
Почна да се подготвува за учество во војната со Украина и потпиша договор со руската армија. Минеев на фронтот учествува веќе скоро 9 месеци. Неодамна даде интервју за канал на Јутјуб.
Водителките го прашаа што би направил ако го сретне Усик на фронтот.
„Што ќе правам ако го сретнам Александар Усик на фронтот? Ќе пукам. Откако ќе бидете во директен контакт со него, мора да постапите според упатствата.
Момчето е боксер, а јас сум ММА борец. Имам многу повеќе алатки. Мислам дека не сака да боксира со мене. Само не верувам дека ќе се сретнеме со него.
Па, ако се сретнеме, тогаш ќе се сретнеме“, вели борецот во интервју за Татарка ФМ на Јутјуб.
Минеев има скор од 16-1-1 во ММА и е во победничка серија од 8 борби. Владимир има искуство и во кик бокс каде има 25 победи и 2 порази. Во кик боксот нема пораз од 2010 година.
View this post on Instagram
