Викендов Мила Рељиќ имаше уште еден одличен настап на Меѓународниот Г2 турнир „Шведска опен“
Мила во категоријата до 62 килограми во сениорска конкуренција извојува победа над Викторија Фалке од Австрија, а следното коло во изедначена борба ја победи и Таниа Сух (Кореа). Во четвртфиналето, во борбата за медал, е поразена од актуелната европска шампионка Бруна Вулетиќ (Хрватска).
Сепак, Мила заврши на високата 5-та позиција од 29 натпреварувачки во нејзината категорија.
На турнирот настапија повеќе од 1000 натпреварувачи од над 70 земји.
Следен натпревар на Мила Рељиќ е Европското првенство во Манчестер од 19-22 мај.
