И вториот ден на Државното првенство за кадети, јуниори и јуниори 21 каратистите на Метлург беа на висината на задачата, но и неколку каратитсти на Олимпик спорт се истакнаа, а свои блесоци имаа и каратистите на Макпетрол, Форца, Кеикс, Фати и други.
Шампиони во кадетска конкуренција станаа: Верона Ајдини (-47 кг, Форца), Вјолца Гафури (-54 кг, Фати) и Сања Цветковска (+55 кг, Спорт 94).
Кај кадетите прваци станаа: Фаик Весели (-52, Олимпик спорт), Столе Смилков (+57 кг, Олимпик спорт), кој финалната борба ја доби со 6-0 и прикажа убава борба. Јон Куртиши (-63 кг) од Шкомбини триумфираше против Бојан Димов со преврт во последните секунди. Филип Несторовски во категоријата – 70 кг не дозволи изненадување, иако се чувствуваше заморот од Светското првенство во Индонезија, додека Филип Ефрмеов беше најдобар во најтешката кадетска категорија над 70 кг.
Интересна борба водеа Моника Пендаровска-Макпетрол и Вероника Костовска-Кеикс во категоријата до 53 килограми во јуниорска конкуренција, која во регуларниот дел заврши 0-0, а на изјаснувањето судиите и доделија победа на Костовска од 4-1. Кај тренерите на Макпетрол беше евидентно незадоволството, зашто сметаа дека Пендаровкса била поактивна.
Сара Крстевска од Металург беше подобра до Азра Цури од Кеикс, иако противничката водеше со 3-1 таа на 6 секунди перд крајот со уромаваши гери се избори за ипон и победа од 4-3. Во + 59 кг триумфираше Ангела Мојсовска од Макпетрол против Емилија Јањиќ од Олимпик спорт Драгана Мнаговска (-48, Металург) беше подобра од Слободанка Стфановска-Самурај.
Јуниорот на Металург, Роберто Ацковски, триумфираше во категоријата до 61 килограм, а Стефан Костиќ, исто така од Металург, стана прв во категоријата – 68 кг, совладувајќи одличниот Григор Станоев од Вардар со 3-0, како и Петар Спасеновски (+76 кг). Оваа славеничка атмосфера на Металург ја прекина и Доан Османи од Фати (-76 кг), кој триумфираше. Марку Ардит (-55 кг) од Уранику беше најдобар во најлесната категорија.
Резултати Државно првенство за кадети, јуниори и јуниори 21.
Државно првенство кадети, јуниори и јуниори 21 – косистеми 1.
Државно првенство кадети, јуниори и јуниори 21 – косистеми 2.
Ipon.mk/В.Д.
