Менаџерот на Хамзата Чимаев ги отфрли информациите дека рускиот пасош на ѕвездата на УФЦ неодамна му бил одземен за време на патување во неговата татковина.
Имено, бразилскиот портал Комабате ја објави веста дека пасошот на Чимаев му е одземен од руските власти во Санкт Петербург.
Не се наведува причина зошто му се одземени документите, но факт е дека Русија во моментов регрутира војници за војната во Украина.
Чимаев е роден во Чеченија, а на 18 години се преселил во Шведска.
Неделава сакал на кратко да ги посети роднините во Чеченија, но на аеродромот во Санкт Петербург наводно му бил одземен пасошот за да не може да ја напушти Русија поради делумна мобилизација.
Ова изненади многумина бидејќи е познато дека Чимаев е близок пријател на блискиот соработник на Путин и чеченски лидер Рамзан Кадиров.
Откако веста се рашири на Интернет, менаџерот на Хамзат, Мајди Шамас се огласи и ги негираше наводите, објасни Брет Окамото во објава:
„Само што разговарав со менаџерот на Хамзат, Мајди Шамас, кој ми кажа дека не е точно дека Чимаев е заглавен во Русија. Не е точно дека му е земен пасошот. Хамзат е во Русија, но Шамас истакнува дека „нема проблем“ и не му го ограничиле патувањето“.
