Менаџерот на Фјури открива за кој противник „Кралот на Ромите“ би се вратил од пензија
Менаџерот на Тајсон Фјури, Спенсер Браун, е уверен дека неговиот клиент ќе се врати од пензија. Повторно…
Фјури се повлече од боксот во јануари откако загуби две борби по ред од Александар Усик. „Кралот на Ромите“ оттогаш многу пати повтори дека бил ограбен во двата меча и дека Украинецот не заслужувал да победи.
Се чини дека Британецот чека за одмазда, бидејќи неговиот менаџер Браун изјави дека третиот меч против Усик е еден од ретките што би можеле да го принудат Фјури да се врати во рингот.
„Тој е во пензија, но никогаш не се знае со Тајсон Фјури“, изјави Браун за „Боксинг њуз“.
„Тој е енигма, нели? Тајсон кажува секакви работи. Без него, не е толку забавно како кога е тој во близина. Ужива во моментов, има многу обврски. Но, ако ментално се подготви и е задоволен, можеби повторно ќе го видиме во рингот“, продолжи Браун.
„Ако има доволно пари, сè се сведува на ризик и награда. Мислам дека би се вратил поради Усик. Ќе му требаат многу пари за да го направи тоа, но мислам дека би се вратил за Усик“, додаде тој.
Изјавата на Браун доаѓа откако Фјури неодамна даде најголем навестување за враќање досега. Тој објави видео на социјалните мрежи на кое е во сала со својот долгогодишен тренер ШугарХил Стјуард.
„Точно во сала. Налетав на некого кого можеби ќе го препознаете“, рече Фјури, а потоа ја сврте камерата кон Стјуард.
„Знаете што доаѓа“, додаде тој.
Многу фанови на боксот сè уште се надеваат на долгоочекуваната британска пресметка против Ентони Џошуа, но трилогија со Усик би била исто така многу возбудлива опција.
