Се очекуваше на 30 декември Конор Мек Грегор да се сретне со носителот на привремената титула Тони Фергусон како дел од УФЦ 219.
Сепак, организаторите одлучија да не му дозволат на Мек Грегор да влезе во кафезот.
Причината е неговата расправија со судијата Марк Годард изминатиов викенд, кој прерасна во физички конфликт.
Мајк Маззули, претседател на Асоцијацијата на боксерските комисии, открива повеќе детали за случајот:
„Од УФЦ ме контактираа неколку часа по инцидентот, ми кажаа дека она што се случи сметаат оти е непримерно и дека ќе подготват нешто“.
„Ме уверуваа дека ќе го отстранат од борбата на 30 декември. Им честитам за ова, но сепак ќе разговарам со моите адвокати“.
Засега, не постои официјална изјава за УФЦ, но се очекува наскоро.
