Ирскиот ММА борец Конор Мек Грегор се опоравува од тешката повреда што ја заработи на јулската пресметка против Дастин Пориер.
Големата ѕвезда на УФЦ потоа ја скрши ногата, а првите прогнози беа дека ќе паузира најмалку една година.
Но, Мек Грегор со своите објави на социјалните мрежи, снимките и фотографиите покажува дека неговото закрепнување оди многу добро и се надева на многу побрзо враќање отколку што првично предвидуваа лекарите.
Конор неодамна одговори на прашањата на обожавателите преку Твитер, откривајќи дека неговата фибула целосно зараснала, а тибијата добро напредува. Ирецот е свесен дека е потребно трпение за целосно опоравување.
„Со полни тренинзи и спаринг се враќам од април, а тогаш враќањето е неизбежно. Морам да бидам трпелив и да го преболам“, напиша Конор Мек Грегор и во свој стил одговори на прашањето дали се плаши од нова скршеница на ногата:
„Едвај чекам да ја завиткам оваа челична шипка во ногата околу вратот на некој противник. Ја одбројувам секоја секунда до можноста да го активирам тоа оружје“.’
I will be full mixed martial arts sparring by April. Easily! By then a return will be imminent. But I must be patient. I will beat this! https://t.co/KmgS9oa9Tv
— Conor McGregor (@TheNotoriousMMA) November 27, 2021
А на прашањето каква е неговата иднина во УФЦ и дали сака да започне сопствена промоција, Мек Грегор одговори:
„Имам уште две борби во договорот. Би сакал да останам во УФЦ цел живот. Јас сум УФЦ! Ќе видиме“.
I cannot wait to wrap this steel bar in my leg across the neck of a future opponent! I am counting down by the seconds until I get to launch this weapon. https://t.co/P9d7S6CBeY
— Conor McGregor (@TheNotoriousMMA) November 27, 2021
