Нејт Дијаз и Конор Мек Грегор започнаа разговор околу нивниот трет дуел. Борецот од Стоктон сака средбата да се одржи во средната категорија и се чини дека Ирецот нема ништо против неговиот услов.
Дијаз на неговиот официјален профил на Твитер остави порака во која стои „185“ – тежинската граница за средна категорија (84 кг).
185
— Nathan Diaz (@NateDiaz209) March 16, 2019
Неколку часа подоцна стигна одговорот на поранешниот шампион во перолесна и лесна категорија кој пореча дека тежината воопшто не му е битна.
„Мене веќе ме знаеш пријателе. Ме боли кур.т за килажата“, напиша Мек Грегор.
You already know me mate. I don’t give a fuck about the weight.
— Conor McGregor (@TheNotoriousMMA) March 16, 2019
Веста дека Дијаз планира да се пресели во средната категорија минатиот викенд ја пренесе новинарот на ЕСПН, Брет Окамото. Информацијата ја дознал од Доналд Цероне, на кого Дијаз на УФЦ 235, разговарајќи за нивниот потенцијален реванш, наводно открил дека „повеќе не планира да симнува килограми“ и дека „може да се борат во средна категорија“.
Борбата вон вообичаената категорија не им е непозната на Мек Грегор и Дијаз, бидејќи двоецот нивнире две меѓусебни борби ги направија во велтер. Првпат на УФЦ 196, кога Дијаз славеше со давење од позадаи во втората рунда, што беше деби на Мек Грегор во категоријата до 77 килограми. На УФЦ 202 по барање на Мек Грегор се одржа на истата килажа. Во реваншот Озлогасениот успеа да се реваншира за поразот и во тесен меч славеше со одлука на судиите.
