Флојд Мејведер (САД) ги негираше зборовите на Мани Пакијао (Филипини) за втор меч меѓу нив. Пред неколку дена Филипинецот во разговор на Фејсбук со своите навивачи откри дека преговора за возврате меч на првата средба што се одржа во текот на мај. Борбата заврши со победа на Американецот на поени во 12 рунди. По оваа средба Мејведер имаше уште еден меч во септември, по што го објави повлекувањето од професионалниот бокс.
„Ова се погрешни информации. Нема да се борам со никого“, напиша Флојд СМС на новинарот од ЕСПН, Стивен Смит.
