Најдобро платениот спортист во светот, Флојд Мејведер, го изненади со скап подарок кошаркарот на Феникс-Санс, Ајзеја Томас. Боксерската ѕвезда на пријателот му испратил чисто ново „бентли континентал“ со сите додатни уреди. Приближно, цената на автомобилот е над 200 илјади долари.
„Ти благодарам за подарокот, шампиону. Сега ќе се возам со стил“, напиша бекот на Феникс, Ајзеја Томас (25 години), на социјалната мрежа „Твитер“.
Имењакот на легендарниот бек и тренер, Ајзеја Томас, се претставува светло издание во НБА. Иако, пред три години, беше избран последен на драфтот, тој успеа да се пробие во лигата и во моментот има просек од 15,3 поени и 3,7 асистенции.
Мејведер, кој нема пораз во 47-те натпревари во професионалниот бокс, ја предводи ранг листата на високоплатените спортисти. Минатата година, тој поминал речиси 100 милиони долари.
