Мирко Филиповиќ ќе биде тестиран за допинг пред настапот на Белатор 200 во Лондон. И не само еднаш, туку во повеќе наврати. Ова беше потврдено во четвртокот од страна на главниот човек на Мохеганската комисија кој ќе го регулира настанот во британската престолнина, Мајк Мазули.
Мазули во разговор за ММА Фајтинг потврди дека лично ќе дојде во Загреб за да го тестира легендарниот хрватски борец. Имено, на 6 април во Будимпешта се одржува Белатор 196, кој исто така ќе биде надгледуван од истото тело, и планира да пристигне во Загреб со воз од Унгарија. Примерокот што потоа ќе се земен ќе биде анализиран од лабораторијата „Quest Diagnostics“.
Мазули го објасни и за некои спорното прашање за суспензијата на Филиповиќ, за која смета дека не се однесува на натпревари под негова ингеренција, а која се провлекува во меидумите последниве неколку недели.
„Секогаш ги гледам интересите на борците. Кро Кап не се борел во САД некое време. Беше суспендиран две години. 110 проценти сум сигурен дека, доколку го суспендирала некоја друга спортска комисија во САД, а не од УСАДА, јас не би го пуштил да се бори. Дури се сомневам дека и Белотор ќе му дозволи да се бори“, рече Мазули.
Средбата е на 25 мај во Лондон.
