Хрватска се запиша во листата на освојувачи на медали на Олимписките игри во Токио благодарение на таеквондистите.
Првиот медал за Хрватска во Токио го обезбеди Матеа Јелиќ во категоријата до 67 килограми. Јелиќ се искачи на највисокото место на победничкиот пиедестал по победата од 25:22 во возбудливото финале против Британката Лорен Вилијамс.
It’s gold for Matea Jelic of #CRO in the women’s -67kg #taekwondo in her #Olympics debut.#StrongerTogether | #Tokyo2020 | @WorldTaekwondo1 pic.twitter.com/CDHBb9nA9I
— The Olympic Games (@Olympics) July 26, 2021
Претходно 23-годишната таеквондистка од Хрватска ги победи Лорен Ли од Хаити (22:2), Милене Титонели од Бразил (30:9) и Американката Пеџ Мекфирсон која ја победи во полуфиналето и тоа со 15:4.
Во машка категорија до 80 килограми, Тони Канает го освои бронзениот медал. Хрватот во борбата за бронзениот медал го победи Никита Рафалович од Казахстан. Златниот медал во оваа категорија го освои Русинот Максим Храмцов по победата над Салех Елшарабати од Јордан.
