Поранешниот борец на УФЦ, Марк Хант, го повика Френсис Нгану да биде построг во преговорите со организацијата.
Предаторот нема повеќе битки од неговиот актуелен договор.
Сепак, Камерунецот е актуелен носител на титулата во тешка категорија и би било голема пресметка за УФЦ да го пушти.
Според Хант, Дана Вајт и компанија сега ќе го занемарат шампионот, бидејќи одбива да потпише договор со нивната предложена сума.
„Сега ќе го стават Френсис на задниот дел од автобусот, како што е случајот со секој борец што зборува“, започна Хант.
„Светскиот шампион во тешка категорија да земе 5-600 илјади долари – мојата последна борба во организацијата беше пред 6 години и земав 950 илјади долари. А јас не бев ниту шампион.
Постојано барав да ме платат уредно. Луѓето во УФЦ не се ваши пријатели. Добијте го она што го заслужувате. Не се лажете себеси. Човек мора да биде борец и внатре и надвор од октагонот. Кога сте светски шампион во тешка категорија, зборот „не“ нема место во вашиот речник.
Претпоставувам дека титулата во УФЦ вреди за крвта и трудот“, заклучи Марк Хант.
