Мани Пакијао наскоро се враќа во рингот: Сè уште имам страст за борби

Филипинската боксерска легенда, 4  b 6-годишниот Мани Пакијао, се враќа на рингот на 19 јули во меч за титулата во велтер категорија на ВБЦ против Марио Бариос.

Ова ќе биде првиот меч на Пакмен по речиси четиригодишна пауза кога загуби од Јорденис Угас, неговиот осми пораз во многу богата кариера во која оствари 62 победи (39 нокаути) и два нерешени резултати.

Големиот филипински борец и поранешен шампион во осум различни тежински категории сака да стане првиот боксер кој ќе освои светска титула откако ќе влезе во Куќата на славните.

„Со нетрпение очекувам да напишам историја. Ќе станам првиот борец кој ќе освои светска титула откако ќе влезе во Куќата на славните“, рече Мани Пакијао и рече дека е целосно подготвен за нови предизвици:

„Секогаш ја одржував мојата форма, но дури кога повторно почнав да тренирам сфатив дека сè уште имам страст за борба. Ги поминав сите медицински тестови, се чувствувам добро и сум подготвен повторно да влезам во рингот“.

Се осврна и на својот последен пораз против Угас, а како главна причина за лошиот настап ја наведе лошата подготовка.

„Имав грчеви во нозете и не можев да се движам. Мојот противник беше многу бавен и не верував дека не можам да се движам подобро. Но, сега се вратив со Фреди Роуч. Стариот Мани се враќа“! подвлече филипинската боксерска легенда.