Белатор уште еднаш се врати во Италија за да биде домаќин на ММА и кик бокс настанот.
Во делот за ММА на Мелвин Манхоеф – „Без милост“ (32-14-1-2 НЦ) достоен на неговиот прекар во Милано со немилосрден граун енд паунд во средината на првата рунда го нокаутира Англичанецот Јаник Бахати (9-5-1 НЦ).
Алесио Сакара (21-13-2NC) имаше лесна работа пред домашните навивачи против Американецот Канан Григсби (8-8) кој го запре со серија удари за само 23 секунди.
Во главната борба на вечерта, Вадим Немков (11-2) го расипа дебито во полутешка категорија на поранешниот шампион во средна категорија, Рафаел Карваљо (16-4). 27-годишниот Русин го победи шест години посатриот Бразилец со странично давење во втората рунда.
Хеси Гергес ја загуби и втората ММА борба. Египјанецот во вториот меч во Белатор е поразен од Молдавецот Драгош Зубко (3-1).
Кирил Сиделников (12-6) на поени го доби Домингос Баросо (6-1) од Зеленоротските Острови кој го нокаутира Гергес во неговото деби на ММА.
