Мајкл Чендлер посочи дека неговата борба против Конор Мек Грегор на УФЦ 303 најверојатно ќе биде за нова титула до 74 килограми.
На прес-конференцијата по УФЦ 300 претседателот на УФЦ Дaна Вајт откри дека Конор Мек Грегор и Мајкл Чендлер ќе се соочат на УФЦ 303. Ова доаѓа по повеќе од една година шпекулации и исчекување да се видат во меѓусебен судир. Тогаш беше забележано дека мечот ќе се одржи во полусредна категорија (77 килограми).
Сепак, некои сугерираат дека тоа можеби не е случајно. Во едно неодамнешно интервју дури и Мајкл Чендлер навести дека постои шанса тие да помогнат да се формира нова категорија до 74 килограми, што соодветствува на суперлесна.
„Тоа исто така беше една од гласините, појас до 74 килограми, очигледно тоа не се случи“, изјави Чендлер за Мек лајф. „Дури и знаејќи како стојат работите сега, човеку, не би бил изненаден ако дојде тој договор за борба и вели дека борбата е за титулата до 74 килограми. Никогаш не знаеш затоа што УФЦ мора да држи многу работи во тајност. За нас, нели, видовте дека Конор ги објави вестите пред да го стори тоа УФЦ: „Еј, немој да го правиме тоа, ние ќе го направиме на прес-конференцијата, во типичен стил на Конор. Ги игнорираше и ја објави веста за нашата битка“.
„Тие сакаат да сокријат голем дел од информациите“, продолжи тој „Го знаевме датумот. Знаев која најверојатно ќе биде тежинската категорија“.
„Мислам дека нашата полусредна категорија е совршена“, рече Чендлер. „Не е лесно да се влезе во лесна категорија. Значи, борбата до 77 килограми ќе биде совршен тренинг камп, да бидам искрен. Јас сум околу 86 килограми. Спуштањето на 77 килограми ќе биде лесно во споредба со 70 килограми, очигледно.
„Мислам дека полусредната категорија ни е феноменална“, продолжи тој. „Сепак ќе дојдам до тежина слична на онаа што би била на 70 килограми, едноставно нема да бидам дехидриран на крајот. Затоа сакам да останам голем, да останам силен, да останам експлозивен. Затоа мислам дека 77 килограми ќе бидат совршено“.
