Легендарниот боксер Мајк Тајсон е голем љубител на тенисот, поради неговата ќерка која го игра, а за која многумина тврдат дека има светла иднина. Тајсон изјави дека го следи најдобриот тенисер во светот Новак Ѓоковиќ.
Првите капки на пазарот кои го регулираат притисокот за само седум дена! Направете го тоа сами дома!
„Сакам да го гледам, Новак е мојот омилен тенисер. Погледнете како се врати по повредата што ја имаше пред неколку години. Погледнете како игра против Федерер или Надал“, изјави Тајсон и додаде:
„Тенисот ми го промени животот. Мислев дека знам се за се и дека конечно успеав во животот кога почнав да заработувам сериозни пари. Сепак, ништо од тоа не е поголемо од тенискиот успех на ќерка ми. Таа е поважна од се. Гледам дека станува нешто што никогаш не би била без тенис. Таа има голема самодоверба и тоа ми се допаѓа“.
Тајсон зборуваше за сето ова во неговиот подкаст наречен „Хотбоксинг со Мајк Тајсон“.
Во подкастот откри и дека неговата ќерка тренира со Серена Вилијамс, кога поранешната најдобра тенисерка на светот има време.
