Бен Аскрен (19-2-1НЦ, 1-2 УФЦ) го претрпе вториот пораз во својот трет настап за УФЦ.
Откако во јули беше нокаутиран од Хорхе Масвидал за 5 секунди, поранешниот шампион во лесна категорија на Белатор и ОНЕ Шампионат загуби со завршница од Демијан Маја (28-9, 22-9 УФЦ) во главната борба на УФЦ настанот во Сингапур. 41-годишниот бразилски БЏЏ мајстор го задуши 35-годишниот Американец со давење од позади во третата рунда.
Сирил Гане (5-0, 2-0 УФЦ) беше успешна во втората борба за најсилна ММА промоција во светот. Непоразената француски тешкаш со технички нокаут во првата рунда го совлада американскиот дебитант Дон’Тил Мајс (7-3, 0-1 УФЦ) на 14 секунди пред крајот на борбата. Тоа е најдоцната победа со завршница во историјата на тешка категорија на УФЦ.
После поразот од Алистер Овереем, Сергеј Павлович (14-1, 2-1 УФЦ) ја оствари втората последователна победа. Рускиот тешкаш со технички нокаут во првата рунда го совлада Морис Грин (83, 3-1 УФЦ) и му го нанесе првиот пораз во четвртиот настап во УФЦ.
Павлович со преден директ го здрма и потоа два пати со боксрески комбинации го собори 33-годишниот Американец, принудувајќи го судијата Херб Дин да ја прекине борбата.
