Ислам Махачев накратко ја коментираше победата на Арман Царукјан на УФЦ 300 што се одржа минатиот викенд во Лас Вегас. Царукјан се бореше со Чарлс Оливеира и го победи со поделена одлука. Тоа беше борба за одредување на неприкосновен предизвикувач за титулата. Арман доби понуда да се бори во јуни со Махачев, но ја одби бидејќи било прерано.
Царукјан му призна на Дастин Пориер, кој во јуни ќе се бори со Дагестанецот. На прес-конференцијата Царукјан се закани дека ќе го нокаутира Махачев во нивната втора борба. Тие се бореа пред неколку години и Арман му зададе многу маки на Махачев. На крајот Ислам победи со одлука на судиите.
На својот профил на социјалните мрежи Махачев го предупреди Царукјан да биде подготвен бидејќи наскоро ќе се сретнат. Ако Ислам го победи Пориер налето, тогаш тој ќе се соочи со Царукјан во октомври во Абу Даби.
„Биди подготвен. Се гледаме наскоро, момче“, напиша Махачев.
