Лука Кипровски во сабота се бори со Лазар Кликовац во профи меч на ВАКО Про

Во сабота на 28 март во Будва-Црна Гора, нашиот репрезентативец Лука Кипровски во хотелот Сплендид ќе се бори во ВАКО Про против црногорскиот шампион Лазар Кликовац во категорија до 86 кг во К1 дисциплината 3х3.

„Двајцата се искусни и технички подоготвени борци. Не се сретнаа минатата година да ги измерат силите на Светското првенство во Абудаби бидејки нашиот Лука лани работеше на симнувње на килажата за да влезе во пониска категорија до 81кг.

Оваа година решивме да пробаме една категорија погоре во професионални води. Борбата ќе биде пренесувана во живо на Аренафајт. Очекуваме победа“, вели селекторот Дејан Митровски-Урко.