Лејг Вуд повторно може да се нарече светски шампион во перо категорија, откако си го врати ВБА појасот од Маурицио Лара на гала настанот во Манчестер арената.
Британецот целосно му го наметна своето темпо на Мексиканецот, но за разлика од претходната средба, овојпат не направи ниту една фатална грешка со која Лара би ја добил победата.
Судиите досудија 118-109, 116-111 и 118-109, земајќи го предвид нокдаунот во 3. рунда што го постигна Вуд.
What a performance by @itsLeighWood. 👏#LaraWood2 pic.twitter.com/DsQleEPDSo
— DAZN Boxing (@DAZNBoxing) May 27, 2023
Потсетуваме дека Маурицио Лара во секој случај ќе го изгубеше појасот бидејќи имаше речиси 2 килограми повеќе на официјалното мерење. Сепак, тоа не му донесе ништо меѓу јажињата, каде што беше надмудрен од класата на неговиот далеку поискусен противник.
