Ненад Лаловиќ стана првиот член на Меѓународниот олимписки комитет (МОК) во историјата на светското борење.
На 128 – та сесија на МОК во Куала Лумпур (Малезија) за претседателот на Меѓународната федерација за борење гласаа 77 делегати, 5 беа против , а еден беше воздржан.
„Кога пристигнав во Куала Лумпур разбрав дека треба да влезам меѓу членовите на МОК.- Во оваа фаза веќе не може да има изненадувања. Но, кога во април ми предложија да подготвам кандидатура – се изненадив. Нели за целата 120-годишна историја борењето никогаш немало член во МОК. Во сето ова гледам признание за работата на целата Меѓународна федерација во борење. Две и пол години нашиот спорт беше во криза, практично на прагот на исклучување од олимпиското семејство. Огромната работата, која беше направена од страна на Меѓународната федерација, се покажа како ефикасна. И сега сето тоа може да биде применето и во друг спорт.За изборот веќе бев поздравен од претседателот на МОК, Томас Бах, како и од гереналниот секретар. Имам многу пријатели меѓу членовите на МОК. Сите тие ми ветија поддршка. И сигурен сум дека ќе има со кого да се посоветувам и да разговарам за тековни проблеми.
А, инаку, како прва задача, како член на МОК, си ја поставувам популаризација и привлекување на повеќе гледачи не само на борењето, туку и во сите видови на спорт. Како да го направам спортот попопуларен – е мојата секојдневна нервоза. Ние, борачите, станавме пионери во реформирањето на нашиот спорт, ги променивме правилата. И нашето искуство може да биде користено насекаде“.
По Куала Лумпур Лаловиќ ќе замине за Суботица, Србија, каде од утре започнува Европското првенство за кадети.
