Кубанскиот ветеран Луис Ортиз (46) се врати во рингот и го нокаутира противникот во првата рунда (ВИДЕО)

Поранешниот двократен светски шампион во тешка категорија, 46-годишниот Луис Ортиз, успешно се врати на рингот.

Кубанскиот борец на настанот во арената „Карибе ројал“ во Орландо со нокаут во првата рунда го победи 16 години помладиот Американец Филип Пенсон.

Некогаш најизбегнуваниот тешкаш во светот влезе во оваа борба со тежина од 121,1 кг, што е десет килограми повеќе отколку што тежеше пред три години кога загуби од Енди Руиз Јуниор.

Во меѓувреме, одржа само еден меч. Во јануари 2024 година со прекин во првата рунда го победи Франциско Кордеро.

Ортиз нè потсети на својата разорна моќ и во овој меч. Силно го удри Пенсон со левата рака, кој само се струполи на подот.

Ова е трета победа во последните пет години за борецот со прекар Кинг Конг (исто така има два порази). Во 25-годишната кариера постигна скор од 34-3, 29 КО, 2 НЦ.

Без оглед на неговите години и зголемена маса, Ортиз сè уште ја носи силата што може да го реши резултатот на борбата, а како беше во Орландо погледнете во видеото:

Luis Ortiz scored a huge first-round knockout on his return at 46.

Ortiz scaled a career high of 267 pounds on Friday, 60 pounds higher than his debut in 2010.

🎥 @elbetoferreiro | IG pic.twitter.com/jLODO0Omiv

— World Boxing News (@WorldBoxingNews) September 20, 2025