Кро Кап во „ѕверска“ форма на 51 година!
Легендарниот хрватски борец Мирко Филиповиќ, попознат како Кро Кап повторно ги вжешти социјалните мрежи. На својот Инстаграм профил, Кро Кап објави фотографија од својата приватна теретана во загрепски Борчец која никого не остави рамнодушен.
На 51-годишна возраст, Мирко изведува беспрекорна шпага, докажувајќи дека неговата флексибилност и физичка подготвеност се на истото ниво како во неговите најславни тинејџерски денови. Фановите буквално го „запалија“ неговиот профил, а објавата собра над 5.000 лајкови за само еден час.
View this post on Instagram
Иако не е првпат освојувачот на „Прајд“ и „Разин“ гран-при турнирите да сподели кадар од своите тренинзи, тајмингот на оваа фотографија крена голема прашина. Имено, во боречките кулоари сè погласно се зборува за негово сензационално враќање во рингот.
Според шпекулациите, Мирко би можел да настапи на 12 септември на големиот ФНЦспектакл во Арената Загреб. Како потенцијален противник се споменува актуелниот шампион во тешка категорија, Хатеф Моејил. Дека идејата за овој меч не е само пуста желба, потврди и самиот прв човек на FNC, Дражен Форгач.
Филиповиќ засега останува мистериозен, ниту ја потврдува, ниту пак, не ја демантира информацијата. Дали оваа објава е суптилна порака дека Кро Кап ги „остри забите“ за нов предизвик, или е само носталгичен потсетник на неговата величина? Останува да видиме во наредниот период.
