„Кралот на Циганите“ веќе не е Циган: Фјури во 2017 година влегува со ново име

Карактерот на Тајсон Фјури со сета сила повторно исплива на површина и уште еднаш ги забавуваше медиумите и приврзаниците на боксот.

Минатото покажа дека неговите изјава не треба секогаш да се сфаќаат сериозно, а со најновата поранешниот светски шампион во тешка категорија порачува дека повеќе не е Циган, а со тоа во 2017 година влегува со ново име.

А новото име на човекот кој во ноември 2015 година го шокираше светот со детронизацијата Кличко гласи Gorga TYS, барем ако и веруваме неговите Твитер објави. Инаку, зборот „Gorga“ е сленг за некој кој не е Циган.

Така, во серијата твитови Фјури открива дека повеќе не се чувствува како Циган. Својот нов „живот“ го опишува како многу полесен, а причините за промената ги пронаоѓа во фактот дека со циганската култура не ги дели истите уверувања.