Конор Мек Грегор: Се чувствувам одлично во велтер категоријата, ќе го покажам тоа вечерта на борбата

Поранешниот шампион на УФЦ во две категории, Конор Мек Грегор, зборуваше за подготовките за борбата против Американецот Макс Холовеј, која ќе биде главна на УФЦ 329 на 12 јули во Лас Вегас. Според Ирецот, тој се чувствува одлично во велтер категорија и е целосно уверен во својата подготвеност.

„Се чувствувам одлично во велтер категорија. Направивме исклучителна работа. Не си дозволивме никакви компромиси. Без блицовите на камерите. Работевме тивко и напорно. Ова е вистинска самодоверба. Знаете, ако треба да покажете детали од вашиот тренинг и да го храните вашето его на тој начин, тогаш имате проблем со самодовербата. Не ни треба тоа. Ќе покажеме сè вечерта на борбата“, рече Мек Грегор во видео објавено на Јутјуб каналот Мек лајф.