Конор Мек Грегор, поранешен шампион на УФЦ и една од најпознатите личности во Ирска, ги поттикна шпекулациите со криптична порака на социјалните мрежи.

Во објавата на која пишуваше „Ирска, вашиот претседател“ придружена со емотикони од шамрок, симбол на ирското наследство и култура и емоџи со срце, Мек Грегор го разбранува расположението. Објавата содржи и фотографија од Мек Грегор како самоуверено позира во стилски бел костум во комбинација со кошула и светло зелена вратоврска.

Во друга објава, Конор ги анализира ривалите кои би можеле да се соочат со него на претседателските избори во Ирска. Мек Грегор моментално е под истрага за објави на неговиот профил на социјалните мрежи кои се однесуваат на серија насилни инциденти во Даблин во кои се вклучени имигранти.

„Ирска, вашиот претседател. Која е потенцијалната конкуренција ако се кандидирам? Гери, 78, Берти, 75 и Енда, 74. Секој од нив има нераскинливи врски со политиката на нивните партии. Без оглед на тоа како се чувствува јавноста надвор од нивните партии .

Овие партии сами владеат против владеењето на народот. Тие или јас? Имам 35 години, млад, активен, страствен и свежа крв во играта. Слушам. Јас поддржувам. Се адаптирам. Немам припадност/пристрасност/наклонетост кон ниту една партија.

Тие навистина ќе бидат повикани на одговорност за сегашното влијание на јавното чувство. Дури би го ставил на гласање. Ќе има гласови секоја недела за да бидеме сигурни.

Јас не би бил на власт како претседател, народе на Ирска. Ќе бидеме јас и Вие!“, напиша Мек Грегор.

Ireland, your President. ☘️❤️ pic.twitter.com/MdLQZzUwiI

— Conor McGregor (@TheNotoriousMMA) December 4, 2023