Кличко: Борбата со Фјури ќе ми биде една од најтешките!

Светскиот шампион во тешка категорија, Владимир Кличко, призна дека го чека тежок меч против поранешниот европски шампион, Тајсон Фјури.

„Знам како да се справам со него и дефинитивно нема да ми е досадно за време на средбата. Мислам дека ова ќе биде една од најтешките битки во мојата кариера. Противникот е повисок, потежок и има подолги раце од моите. Освен тоа, тој е помлад од мене и е многу амбициозен во тоа да се докаже како најдобар и да стане шампион.

Дефинитивно ќе биде интересно за гледачите. Мислам дека луѓето во публиката нема да се проѕеваат“.

Средбата е на 28 ноември во Дизелдорф, Германија.