Карате клубот Автокоманда покажа дека има иднина во карате подмладокот, откако Државното првенство за деца го завршија со одличен успех освојувајќи седум медали – 4 златни, 1 сребрен и 2 бронзени.
Државното првенство се одржа во Гевгелија со учество на 310 деца од 48 клубови.
Медалите ги освоија:
Дора Илијевска – златен, -37кг до 10 год.
Калина Христовска – златен, -40кг до 11 год.
Филип Кузмановски – златен, -40кг до 10 год.
Максим Блажовски – златен, -35кг до 10 год.
Тома Петров – сребрен, -40 кг до 11 год.
Иван Лазаревски – бронзен, -40кг до 11 год.
Михаела Филиповска – бронзен, -49 кг до 13 год.
„И Андреј Терзиски, кој е могу добар натпреварувач, несреќно изгуби. За овие успеси има голем придонес и поранешниот тренер Иво Цветковски“, вели за подемот на Автокоманда тренерот Гоце Петров и нагласува:
„Со 8 натпреварувачи на КК Автокоманда освои 7 медали на национално ниво. Ова се плејада од многу дисциплинирани деца спортисти кои во иднина ќе ја радуваат и гордеат нашата татковина Македонија“.
КК Автокоманда покажа дека има иднина во подмладокот и нема да застане тука. Клубот се засили со двајца нови тренери покрај главниот тренер Гоце Петров, тука сега се Крсто Мишев и Стефан Костиќ поранешни натпреварувачи со одличен квалитет.
„Следниов период ќе престојат подготовки за претстојното Балканско првенство за деца кое ќе се одржи во Истанбул, Турција и се надеваме на медал, а потоа стапуваат на сцена кадетите“, вели Петров.
