Кирил Лазаров и Лина Ѓорческа се најдобрите спортисти во 2016 година, каратистите со три признанија (ФОТО)

879

gorcevska-i-lazarov

Кирил Лазаров, капитенот на сениорската машка ракометна репрезентација и првиот женски тениски рекет, Лина Ѓорческа, се прогласени за најдобрите спортисти на Македонија за 2016 година во изборот на Агенцијата за млади и спорт (АМС) и Сојузот на спортски федерации на Македонија.

karatistki-makpetrol-2016

Од боречките признанијата отидоа кај картистите: Моника Пендароска – најдобра млада спортистка, женскиот каратетим во борби-Универзитетот „Св. Кирил и Методиј – Скопје“ – најуспешен универзитетски спорт и Карате федерација на Македонија – најуспешна национална федерација.

kire-lazarov

Ова за Кире е трето вакво признание, а во битката за позицијата број еден беше подобар од Емил Павлов (карате), Милан Кубин (кик-бокс) и Никола Ѓорѓиев (одбојка).

„Оваа награда за мене е огромна чест. Имавме зад нас во ракометот една турбулентна година, но и на грешките учиме, потенцијал имаме, знам дека Македонија не треба да се грижи за својата ракометна иднина, носиме во нас една сплотеност, па верувам дека ќе стигнеме до нови успеси во 2017 година“, рече Лазаров по добивањето на признанието.

gorceska

Лина пак дојде до оваа награда благодарение на одличните резултати, освоени титули, големиот скок на ВТА листата, а оваа година дојде и до својот прв настап на грен слем турнирите и тоа на Ју-Ес Опен плус дебитираше на ВТА турнирите.

„Благодарам за наградата и на сите за огромната поддршка која ја добивам. Се надевам дека во иднина ќе продолжам со уште позначајни успеси на тениското поле. Им посакувам успех и на нашите млади фудбалери на Европското првенство во Полска“, истакна Ѓорческа.

monika-pendaroska

За најдобар млад спортист беше прогласен ракометарот на Металург, Филип Талески, додека пак каратистката Моника Пендароска го доби признанието за најдобра млада спортистка.

natsa-stefanovska

Каратистките Наташа Стефановска и Моника Пендароска истканаа дека за нивните успеси најзаслужен е тренерот Бошко Заборски.

dragi-stojanovski

Претседателот на КФМ, Драги Стојановски, нагласи дека целта на каратето е да постигне резултати како најтрофејните македонски олимписки спортови – борењето и боксот, но прво ќе треба да се изборат норми за Олимпијдата во Токио 2020.

najdobri-sportisti-2016

Најдобрите во македонскиот спорт за 2016 година:

Најдобар спортист: Кире Лазаров (ракомет)

Најдобра спортистка: Лина Ѓорческа (тенис)

Најдобар млад спортист: Филип Талески (ракомет)

Најдобра млада спортистка: Моника Пендаровска (карате)

Најдобар спортист на лице со инвалидитет: Оливера Наковска – Бикова (стрелаштво)

Најдобар тренер: Благоја Милевски (фудбал)

Најдобар машки национален тим: Фудбалска репрезентација до 21 година

Најдобар женски национален тим: Ракометна репрезентација

Најдобра национална спортска федерација: Карате федерацијa

Најдобар училишен спортски клуб од Основни училишта: ОУ Гоце Делчев, Општина Илинден

Најдобар училишен спортски клуб од Средни училишта: ОУ Гоце Делчев, Куманово

Најдобар колектив во универзитетски спорт: Женски карате-тим од Универзитетот „Св. Кирил и Методиј – Скопје”

kubin-i-devojkite-karate-dzudo

kire-i-kartistkite-2016

Ipon.mk/В.Д.