Критично болниот Роби Хејгеман повторно се моли на ѕвездата на УФЦ Конор Мек Грегор за помош додека се надева дека ќе закрепне
Хејгеман, кој моментално води исцрпувачка битка со болеста, се надева на опоравување и уште еднаш упати емотивен апел до суперѕвездата на УФЦ. Роби се надева на финансиска помош и публицитет од „Ноториус“.
Преостанатата сума од кампањата е се што му треба за да го покрие толку потребниот третман. Во моментов на неговата сметка се собрани 197.175 илјади евра од потребните 475.000 евра. За покривање на трошоците му остануваат 277.825 евра.
Хејгеман веќе испрати една порака до Ирецот, која за жал остана без одговор. Сега Роби повторно го повика Конор за помош, но немаше одговор.
„После 4 години чекање и безброј третмани, конечно на повидок е третман кој може да значи мое излекување. Пред четири години Конор ми вети дека ќе помогне.
Сега е време да се исполни тоа ветување. Разбирам дека е зафатен, но неговата помош би била непроценлива“, вели надежниот Хејгеман.
Интересен факт е дека двајцата се поранешни соборци. На хоризонтот има надеж бидејќи се работи на лек кој би можел да биде достапен за неколку години.
Третманот на кој Хејгеман се подложи во Америка му го продолжи животот и му го даде драгоценото време што му беше потребно за пристап до лекот што може да го излечи неговиот тумор на мозокот.
Останува да видиме дали Мек Грегор ќе одговори.
