Македонската кендо репрезентација досега го постигна најголемиот успех на европските првенства пласирајќи се меѓу осмуте најдобри репрезентации на Европскиот шампионат во Буве-Франција, односно е на делба од 4 до 8 место.
Резултатот е постигнат во конкуренција од 40 држави.
Македонија загуби од шампионот Франција, а славеше против Малта, Португалија и Украина.
На нашата репрезентацијата и беше доделена престижната награда за „борбен дух“.
Боите на Македонија ги бранеа: Андреј Атансовски, Игор Никовски, Менсур Бојда, Владимир Пешков, Александар Кеско и Матеј Ивановски.
Нашата репрезентација беше група со Малта и Португалија против кои славеше.
„Успехот се должи на долгорочната и макотрпна работа на целиот тим, но и на федерацијата која веруваше во капацитетот на момците и девојките дека може да се борат со најдобрите репрезентации“, изјави Златко Кесковски, претседател на Кендо и иаидо федерацијата.
