Македонските каратисти кои ја сочинуваат универзитетската репрезентација на Македонија ги започнаа подготовките во Црна Гора за претстојното Европско универзитетско првенство во Куимбра, Португалија.
Костурот на екипта е од КК Макептол, и тоа: Петар Заборски -75 кг, Сара Радичевска -50 кг, Симона Заборска -55 кг, Наташа Стефановска -61 кг и Моника Стефановска -68 кг.
„Последната недела од месец јули треба да се одржи Европското универзитетско првенство. Годинава, за прв пат, на ова првенство ќе бидат здружени сите боречки олимписки спортови, односнои каратето, џудото и теквондото ќе бидат на натпреварувачките програми на Европското првенство. Одлучивме подготовките да ги направиме во Црна Гора, поточно во Бар и Сутоморе. Тренираме по два пати дневно, стадионот во Бар, кој ни ги пружа сите потребни услови за добра подготовка. Каратистите одлично се чуствуваат и се надеваме дека во следните десет дена во целост ќе ја оствариме предвидената програма“, изјави селекторот д-р Бошко Заборски.
Со екипата на Макпетрол на подготовки се и Моника Пендаровска, Анѓела Мојсовска и Петар Спасеновски (Металург).
Ipon.mk/В.Д.
