Дмитри Бивол (23-0) го дели неполн месец од долгоочекуваната борба за неприкосновената титула во полутешка категорија против Артур Бетербиев (20-0) во Ријад. Сепак, се чини дека е на пат да обезбеди голема борба за пари, бидејќи Сол Алварез (62-2-2) му кажа на Мајк Копингер дека сака реванш со Русинот по неговата средба со сонародникот.
Канело загуби со судиска одлука од Бивол во мај 2022 година во Лас Вегас, кога го направи првиот обид за зголемување на тежината. Тоа му беше прв пораз по 9 години кога се сретна со Флојд Мејведер (50-0) во Градот на гревот. Неговото его многу страдаше тогаш затоа што тргна да ја исчисти секоја можна категорија до која ќе дојде.
Киргистанецот, пак, остана непоразен без разлика на противниците пред него. Ова го направи едно од најголемите имиња во светскиот бокс, а со триумф над Бетербиев и повторување на резултатот против Алварез може да му гарантира место меѓу најголемите во историјата.
