Били Џо Сандерс е следниот светски шампион на листата на Сол Алварез-Канело.
Канело овие денови договори борба со уште еден голем претендент за тронот во „супер“ средна категорија и продолжува со обединувањата.
Мечот ќе се одржи на 1 или 8 мај во САД, доколку Канело не се повреди во задолжителната одбрана против Авни Јилдирим на 27 февруари, информираше „Атлетик бокс“. Традиционално, црвениот боксер секогаш се бори во првата недела од мај поради големиот празник во неговата земја „Синко де Мајо“.
Така, Сол ќе има три силни судири за само половина година.
‼️✅ Canelo vs Billy Joe Saunders is reportedly now agreed to take place as a WBA, WBC & WBO super-middleweight world title unification on May 1st/8th in US. Canelo must first come through the Avni Yildirim fight on Feb 27th with no injuries. [According to @TheAthleticBOX] pic.twitter.com/6wtB7DVwEP
— Michael Benson (@MichaelBensonn) January 28, 2021
Сандерс има појас на Светската боксерска организација (ВБО) и е непоразен во 30 борби.
Досега, Алварез беше кошмар за сите Британци, победувајќи го Калум Смит во последната борба, му одзема појасот на Светската асоцијација за боксер (ВБА).
Во време на глобалната пандемија Канело прави незамислива работа, да го извлече максимумот од својот врв.
Ако сè се одвива според планот, од мај 2019 до мај 2021 година се сретнал и ќе се сретне со Даниел Џејкобс, Сергеј Ковалев, Калум Смит, Авни Јилдирим и Били Џо Сандерс.
Така, Калеб Плант ќе остане последен на списокот на Сол на светски шампиони во супер средна категорија.
Американецот го освои појасот на Меѓународната боксерска федерација (ИБФ).
Неодамна Канело најави дека ќе ги брка сите до дупка од 76,2 килограми и потоа ќе размисли за нов скок во потешките, каде што демне Артур Бетербиев.
Раздорот помеѓу Алварез и Оскар де ла Хоја се чини дека позитивно влијае на кариерата на боксерот.
