Деновиве сите се радувавме на сребрениот медал на Емил Павлов на Светското првенство во карате во Дубаи, ОАЕ. Јавноста се прашува како ќе биде наградено „златното македонско момче“ кое го оствари најголемиот резултат на светските првенства, но и неговиот учител кој е најзаслужен за неговите две европски титули, две бронзи и борнза од Европските игри во Баку 2015 година.
Во членот 21 од Правилникот на Карате федерацијата на Македонија се вели:
„Кога на светско или европско првенство е постигнат врвен резултат, КФМ доставува предлог до АМС за наградување на тренерите-селектори на државната репрезентација и клубските тренери во сооднос 50-50. Одлука за награда, надомест за стручната работа и исплата на дневници на тренерите-селектори на државната репрезентација и други официјални лица донесува Извршниот одбор на КФМ.
Емил Павлов ќе ја добие наградата од Агенцијата за млади и спорт која им следува на сите спортисти за оставрување врвни резултати. КФМ дополнително ќе треба да одлучува за наградата на Павлов и на најзаслужниот за неговиот резултат.
