Американскиот борец Џамахал Хил беше тешко повреден и го ослободи појасот на УФЦ во полутешка категорија. Поради пукната Ахилова тетива, Хил ќе мора да оди на операција и ќе биде надвор од терените подолго време.
„На ист начин добив можност да се борам за појасот. Јиржи беше шампион, се повреди и го напушти појасот за да не ја задржи категоријата. Сакаше народот да има шампион. И јас ќе го направам истото“, изјави Џамахал Хил.
А Јиржи Прохаска го повреди рамото минатата година пред реваншот против Бразилецот Гловер Тешеира и го ослободи појасот.
Чехот се надеваше дека наскоро ќе се врати во игра, а со нетрпение ја очекуваше борбата против Хил Џамахал. Но, нивниот судир ќе мора да почека малку.
Прохаска на Твитер го поддржа Хил.
„Човеку, многу ми е жал. Со нетрпение ја очекував нашата борба. Го ценам то што ја ослободи титулата. Таков потег може да го цени само човек кој доживеал нешто такво. Кој е следниот? Победникот од мечот меѓу Блахович и Переира или?“, напиша Јиржи Прохаска.
Поранешниот шампион бара можен противник на мечот меѓу Јан Блахович и Алекс Переира кои се борат на 29 јули, а потенцијален противник е и Магомед Анкалаев.
Хил му се заблагодари на Прохаска: „Сигурно ќе се сретнеме во октагонот! Во меѓувреме, грижете се за категоријата и едвај чекам да ве видам на спротивната страна од арената“.
@JamahalH Man, I'm so sorry, I was really looking forward to our Fight. I appreciate your release of the title. Only a person who has experienced this situation can appreciate such a thing.
Who is next?
winner Blachowicz X Pereira or ?#IAMTHECHAMPION ///\— Jiri BJP Prochazka (@jiri_bjp) July 14, 2023
